0岩0岩上一篇講到閃石的SIZE, 好多朋友都會問閃石既size點分?咩情況下要用咩SIZE既閃石??
閃石大細既SIZE, 其實都一個屬於佢自己既名稱. 我0地成日見到賣石的售貨員會問你要SS幾呀?? SS係咩呢? SS即係 STONE SIZE. 以SWAROVSKI為例, 就由ss3至ss48,數目愈大即閃石既面積就相對越大, 大家可以睇睇下面張圖.
其實用細閃石貼出0黎會細緻0的, 線條都會靚0的. 但係要留意成本,用細閃石成本相對比較高同花既時間都相對比較多. 唔係下下用細閃石貼就係好靚. 真係要多0的練同經驗去定.
一般貼iphone 或者好似迷你八達通,都係用SS5至SS12.而迷你八達通就會用到SS3至SS5.但要留意, SS3唔係只只色都有.
大家可以用哩條式,計下要用幾多閃石.
數目要求
橫排數=高÷（閃鑽的尺寸÷2×1.732）
列數=寬÷閃鑽的尺寸
閃鑽的粒=數橫排數×列數
比如：要貼滿一個高9厘米(90mm)，寬5厘米（50mm）的平面，想要用3毫米（3mm）的閃鑽，計算方式如下：
90mm÷（3mm÷2×1.732）=35排；
50mm÷3mm=17列；
35排×17列=595粒
鍾意bling bling ,但買成品價錢又費. 咁不如學下自己DIY喇.除0左以比較便宜的價錢就可以擁有心頭好之外,又可以係DIY過程中尋找貼閃石的樂趣.
首先我0地就由買閃石開始講起，閃石都有好多種類, 例如大家好熟悉的swarovski,捷克石,仲有價錢比較相宜的韓國石, 台灣石,仿施石等...
如果大家第一次貼閃石我就會建議大家要先諗好想貼乜先，因為swarovski,捷克石都唔平，如果你無明確目標去買，去到選石時所有色都覺得靚，每個色都買，買下買下，買左成千蚊，返到屋企又得物無所用，咁就會好浪費!
除0左選色之外，最令人傷腦筋既就係買乜Size既閃石喇，無論你買swarovski石又好，捷克石又好，韓國石, 台灣石,仿施石...基本上個size既分法都係差不多，由ss3到ss48不等，我最常用既size就係 ss5, ss7 & ss9，間中就再加少少ss3來填位。唔同size貼出來既效果會有唔同，越細既，貼出來個空隙會越少，睇落去會密d閃d，所以你見到唔同人貼phone case，點解有d總係覺得靚d，有d係無咁靚就係咁解啦. 但若然你要貼一個大範圍既o野，用返d大少少size既石都唔怕既。始終越細既石就越難掌握，同埋因為size細，須要的數量亦相對多左，咁價錢就自然貴d，所以決定買乜size既閃石都係一門學問.不過有一點要注意，無論你最後決定用邊種size，最好同一個顏色要買一大一細既size來配合，例如ss5 + ss9or ss7 + ss12因為若然只買一個size，當你貼閃石時就會發現有d位置係唔夠位貼粒大既閃石，到時就須要搵細一號size既閃石來貼。
暫時分享咁多住先啦~~
待續~^^
10月18日(星期二)2PM-4PM
十月份Gemming的約會-第一炮
貼鑽課程主題: 斑馬紋/豹紋圖案貼鑽課程
可以選擇卡片盒/鏡盒
選用 SS5 SS7 SS9 SS12 施華洛世奇平底水晶
名額:3-6人
費用: $480/位
課程時間: 平面貼鑽課程 約2至3 小時,因個人進度而定
所有約會均附上茶點一客!
如欲參加,
請電郵至gemstonehandcraft@yahoo.com 或 至電 6988 8776 預約,並留聯絡電話, 期待與你們來個約會~
當日的學員於Gemstone Handcraft買材料, 更可獲享九折優惠!(施華洛世奇平底水晶和膠水除外)
Gemstone Handcraft已經開張0左一段日子了, 可以因為位置比較隱蔽，好多學員都唔識0黎.
所以特別整0左兩個map，給上workshop的學員認路。
